NRK Meny
Normal

Boazodoalli áššáiduhtton leat goddán direktevraguoktá

Direktevrraguovttos báhččuiga jámas, go boazodoallit ja direktevraguovttos báhčáladdagohte bissuiguin gaskaneaset.

Gazprom.

GÁSSAFITNODAT MASSÁN GUOKTE BARGI: Direktevraguovttos geat báhččuiga jámas, gulaiga ruoššabeale Gazprom-nammasaš gássafitnodahkii. (Govas: Fitnodaga váldodoaimmahat, Moskvas).

Foto: YURI KADOBNOV / AFP

Guokte fitnodatdirektevrra geat gulaiga Gazprom-nammasaš Ruošša gássafitnodahkii, goddojuvvuiga ikte, davvin oarjjabealde, Sibiras.

Nu muitala Norgga Telegrámmadoaimmahat, NTB, mii ges čujuha ruoššabeale stáhtalaš ođasdoaimmahahkii; TASS.

Direktevraguovttos leigga bivddus, go soaittáhagas deaivvadeigga guovllu boazodolliiguin.

Direktevraguovttos ja boazodoallit šadde garrasit digaštallat. Digaštaladettiin báhčáladdegohte direktevrrat ja boazodoallit bissuiguin gaskaneaset.

Laster kart, vennligst vent...

BOAZOGUOHTTUN- JA GÁSSABOHKAN-GUOVLU: Jamalo-Nenetsk-guovlu, Ruoššas.

Ii muital duogáža

Guokte boazodoalli roasmmohuvaiga dáhpátusas.

Okta guoktelogi-guovtte-jahkásaš jamalo-nenetsalaš boazodoalli lea dál áššáiduhtton leat goddán direktevrra-guoktá.

Lea ain eahpečielggas mii lea duogáš dán dáhpátussii, go áššáiduhtton boazodoalli ii leat vel háliidan muitalit mii dat lei sivaid ahte báhčaladdegohte.