Finnmárkkuopmodat (Fefo) ii áiggo šat vuovdit eambbo eatnamiid boanddaide. Eanadoallit galget dás rájes baicce láigohišgoahtit eatnamiid, lohká Fefo.
- Mearrádus lea áibbas endorii, lohká Finnmárkku boanddaid searvvi jođiheaddji Fred Johnsen.
- Biddjot eret
-Mu mielas ii leat dohkálaš ahte boanddat eai galgga beassat oastit eatnama masa leat bidjan olu navcaid ja ruđa. Dál lea maid nu ahte lea váddát fitnet loanaid jus eai leat eatnamat.
Finnmárkkuopmodat sáhttá dušše čievččastit boanddaid eret laigoeatnamis jus fuomášit ahte eana dárbbašuvvo eará atnui, lohká Johnsen.
- Fefo ii bija eret
- Fefo ii váldde eatnama boanddain eret, jus fal eatnamat geavahuvvojit dasa masa galget, namalassii eanadollui.
Muhtumin lea čájehuvvon ahte eana mii vuvdo, báhcá geavakeahttá maŋŋá go boanddat heitet doaluiguin. Jus dát livčče lean láigoeatnamat, de lei Fefo beassat daid láigohit viidásabbot eará dárbbašeaddjiide go boanda heaitá, lohká Fefo Sverre Pavel.
- Gáddá mis eanagávppi
- Fefo orru navdimin ahte boanddat aigot dušše oastit ja fas vuovdit eatnamiid ja nu dinet dainna. Dál leat mii váldán oktavuođa Stuorradikkiin, Fylkkadikkiin ja Sámedikkiin ja leat ožžon buriid vástádusaid sis. Čavčča mielde áiggošeimmet gis čoahkkinastit Fefoin, go dát dilli ii leat dohkálaš, lohká Fred Johnsen.
- Imašta vuostehagu
Pavel imašta go boanddat vuostildit na garrasit, ja lohká leat ožžon dan ipmárdusa ahte boanddaidsearvi maid doarjui guhkesáigge laigoheami.
Pavel lohká dál hálddahusa áigut geahčadit moaitámušaid, ja nu árvvoštallat bidjá go ášši fas stivrii.