NRK Meny

Boanddaidsearvi ii leat bovdejuvvon

Romssa olgešbellodat moaitá go boanddaidsearvi ii leat bovdejuvvon regionála plánabargui, maid leat ráhkadeamen romssa boazodoalu várás. Plána ráhkaduvvo fylkagieldda olis. Olgešbellodaga ole johan rødvei lohká ahte boazodoallu ja eanandoallu leaba guokte ealáhusat mat leat ovttadássásačča. Ja danne olgešbellodat oaivvilda ahte lea dohkketmeahttun go dušše boazodoallu lea mielde barggus, ja ášši ovddiduvvo boahtte vahkus fylkadiggái.