NRK Meny

Boanddaid njunuš cielahuvvo fasttit

Norgga Boanddaid- ja smávvadálolaš searvvi jođiheaddji, Merete Furuberg, lea fasttit givssiduvvon Facebookas. Givssideapmi lea čuožžilan gumpe- ja boraspire-digaštallamiid oktavuođas, ja boanddaid- ja smávvadálolaš searvi háliida ahte eanet gumppet báhččojit. Furubergas leamaš borasdávda, ja okta givssideddjiin, gean mielas galget ollu gumppet luonddus, lea čállán ahte doaivu Furuberg jápmá dávdii. Máilmmi luonddufoandda, WWF, váldočálli Norggas, Nina Jensen, reagere garrasit givssideapmái, muitala NTB, vaikko Jensen ii leat boraspireáššis ovttaoaivilis boanddaid servviin.