NRK Meny
Normal

Boanda ii veahket eiseválddiid kultureanadaga

Eiseválddit ávžžuhit boanddaid váldit vara kulturmuittuin mat leat eiseválddiid válljejuvvon kultureanadagas muhto Porsáŋggu boanda gal dasa ii searvva.

Nissenbrakka
Foto: Arne Ivar Johnsen / Nrk

Marit Reiersen

Marit Reiersen

Foto: Arne Ivar Johnsen / Nrk

Finnmárkku fylkkagieldda kultursuodjalusa ráđđeaddi Marit Reiersen finai gieskat geahččamin eiseválddiid válljejuvvon Goarahaga ja Njárgga kultureanadaga Porsáŋggu vuona oarjjabealde. Doppe son finai geahččamin makkár dásis olgovisttit ja viesut leat mat huksejuvvojedje dasto maŋŋá nuppi máilbme soađi sihke olbmuide ja šibihiidda. Olbmot fertejedje ođđasit hukset danin go duiskalaččat bolde buot viesuid maid olbmot ledje huksen dohko ovdal soađi. Marit Reiersen ávžžuha boanddaid váldit vara kulturmuittuin muhto boanda Olaf Olli gal dasa ii searvva.

Norggas leat eanadoaluiseválddit ovttas birasgáhtteneiseválddiiguin válljen 22 kultureanadaga maid áigut suodjalit. Dá álggos Marit Reiersen Goarahaga ja Njárgga kultureanadaga birra.