NRK Meny

Boahtte jagi easka diggái

Easka boahtte jagi skábmamánus šaddá Girjjás-ášši diggái, mas lea sahkan bivdo ja guolástanvuoigatvuođain. Sivvan dasa ahte ádjána lea go juridihkalaš ovddasteaddjit leat bargamin eará stuora áššiiguin mat váldet olu áiggi, dieđiha hoavvariekti. Guovvamánu 3. beaivvi dán jagi celkkii Jiellevári diggeriekti duomustis, ahte Girjjás čearus lea okto vuoigatvuohta hálddašit bivddu ja guolásteami sin eatnamiin. Muhto stáhta lea váidán ja dál lea Hoavvariekti plánen 22 beaivvi ášši gieđahallamii, ja dat álget skábmamánu 7. beaivvi boahtte jagi.