NRK Meny
Normal

Black Sheeps lávlu

 Agnethe Kristin Johnsen lea nuorra nieida, dattege lea son juo beakkánis lávlu Black Sheeps joavkkus. Gieskat finai son joavkkuiinis Troandimis nuoraid kulturdoaluin. Doppe besse maŋgga sajis čájehit maid sii máhttet. Agnethe lea Unjárgga gieldda smávva gilážis Stuorravuonas eret.

Black Sheeps lávlu Agnethe kristin Johnsen

Black Sheeps lávlu Agnethe Kristin Johnsen

Foto: Anne Olli / NRK

AGNETHE REPORTAŠA  

Agnethe Kristin Johnsen lea dušše guoktenuppelot jahkásaš, dattetge lea son guhkesáigge juo lávlun lávddis. Vuosttaš heave go gorgŋii lávdái lei son vihta jagi boaris. Su áhčči Arild Johnsen muitala nieiddas lávlugoahttán ovdalgo máhttigođii hállat.

Áhččii čuojahii ja lávlluid

Agnethe áhčči Arild Johnsen

Agnethe áhčči Arild Johnsen

Foto: Anne Olli / NRK

Arild Johnsen muitala iežas čuojahan gitára ja lávlon Agnethii dalle go son lei smávva nieddáš. Agnethe eadni maid lávllui hui olu dalle go Agnethe lei smávva nieiddaš. Nu oahpai unjárgalaš nieiddaš Agnethe lávlut ovdalgo hállagođii.

Hálida lávlut olbmuide

Agnethe ieš muitala iežas hálidit lávlut almmolaččat. Danne lea son dál 12 jahkásažžan juo ollu jagiid lávlun lávddis. Gieskat finai son joavkkuiinis Troandimis lávlumin Ungdommens Kulturmønstringas, sámegillii livččii dát varra Nuoraid Kulturdoaluin. Iežas muitala doppe gal ballan ovdal go gorgŋii lávdái, doppe ainnat ledje nu ollu olbmot. Muhto go lávdái gorgŋii, de lei lávdi su ja dalle gal šat ii ballan.

Boahtteáigge jurdagat

Agnethe jurddaša boahtteáiggis maid lávlut, muhto ii son leat dušše lávlu, son lea neavttár maid. Danne áiggošii son sihke neavttastit ja lávlut. Musikálaide son searvvašii dahje operai.

Luohkálaččat illudit

Agnethe sámegiel-luohkká, oahpaheaddji Kari Sara

Agnethe sámegiel-luohkká. Gurotravddas Agnethe. Ovddabealde oahpaheaddji Kari Sara

Foto: Anne Olli / NRK

Agnethe sámegielluohkká oahppit illudit dainna go justa sin luohkkáš lea dákkáraš beakkálmas. Sii movttiidahttet Agnethe joatkit lávlut ja oahpaheaddji Kari Sara lea erenoamáš rámis. Son iigal loga iežas moge ánssášit rámi dainna go Agnethe lea nu čeahppi. Agnethe lea ieš nu erenoamaš, son dat ánssáša rámi, go son dat movttiidahttá su ja eará oahppiid.