Bivdet iskosveahkki bivdiin

Norggas meahcásteaddjit galget váldit 11 duhát iskosa ealggain, goddeeallin ja gottiin dán jagi bivddus, iskkan dihte leago dain oaivevuorri. Birasdepartemeanta dat bivdá riika meahcásteaddjiid dan dahkat dain guovlluin gos lea kártemin dán oaivevuori ja gos dat lea gávdnon. Dán vuogi mielde áigot sihkkarastet iskosiid, dieđihii direktoráhtta ikte.