Hopp til innhold

Korte nyheter

  • Gávdne «elbiila-minerála» Biedjovákkis

    Arctic Minerals AB lea gávdnán muhtun sajiin máŋga duhát grámma kobolt juohke tonna nammi. Fitnodaga stivrra nubbijođiheaddji Krister Söderholm ii gohčot dán nu valljin, muhto goitge dadjá buori boađusin.

    Minerála lea dárbbašlažžan earret eará go elbiila litium-báhtterii buhtaduvvo. Fitnodat lea čađahan ohcamiid suoidnemánu ja sii jotket ohcamiid borgemánus maid.

  • Biila gáhtolássii gártan Kárášjogas 

    Heahteguovddážis leat vuolgán veahkehit biilla, mii lei vuodján badjel geainno riikkageainnus 92 gaskal Kárášjoga ja Suoma rájá. Bolesa dieđuid mielde biila lea gáhtolássii. Biilla golbma mátkkošteaddji eai leat roasmmohuvvan.

  • Nisu váldon gitta

    Birrasiid 50-jahkásaš nissonolmmoš lea váldon gitta dan geažil, go lea geavahan veahkaválddi dievddu vuostá gii lea birrasiid seamma boaris. Boles almmuhii áššis bearjadat iđit. Veahkaváldedáhpáhus lea dáhpáhuvvan priváhta ásodagas.