Bivdet dieđuid mai luossa borrá
Norgga Luonddu dutkan instituhtas (NINA) bivdet olbmuid sáddet dieđuid Deanuluosa predáhtoriid birra. 2018:s lea NINA:s prošeakta Deanučázádagas mas čohkkejit čoavjeiskosiid dápmohis, guvžžás ja hávggas. Áigumuš dáinna prošeavttain lea eanet dieđuid háhkat Deanuguliid borrandábiid birra geasiáiggis, ja borret go dat luossaveajehiid ja man ollu. Dan lohká dutki Martin A. Svenning Ávvir áviisii.