NRK Meny

Bismma morrašis

Oulu bismma Samuel Salmi lea morrašis ievttá surgadis dáhpáhusas, mas nuppelot jahkásaš skuvlaoahppi čuggejuvvui niibbiin ja jámii Ohcejoga sámelogahagas. Suoma politiiját leat váldán gitta dievddu gean návdet dahkan vearredágu. Bismma Samuel Salmi dadjá dáhpáhus čuohcá olles Ohcejohkii mii máŋimuš jagiid lea šaddan gierdat olu lossa dáhpáhusaid. Ohcejoga girku lea otne rábas gili ássiide, dieđiha YLE Sápmi.