Oanehaččat

  • Nissonolmmoš goddun Romssas

    Politiijat leat dán ija bargan báikedutkamii maŋŋá go muhtin nissonolmmoš gávdnui goddun muhtin lanjadagas Romssas. Politiijat biddjo johtui muhtin čujuhussii lulli-Romssasullui maŋŋá go ožžo dieđu dán birra ovdalaš tiibmu beal guđas eahkedis. Muhtin almmái váldui gitta dan čujuhusas ja lea áššáskuhttán eaktodáhtos goddin. Politiijastašuvdnahoavda Morten Pettersen duođašta ahte lea gaskavuohta goddun ja áššáiduhttán olbmo gaskka, muhto ii hálit muitalit makkár.

  • Bártnit dovddastan vearredagu

    Guokte Loabát skuvlla nuorra bártni leaba dovddastan ahte soai dat leaba billistan ja cuvkon dávviriid ja lanjaid Loabát skuvllas. Bártni guoktá leaba cuvkon máŋggaid čuđiid duháhiid ruvnnu ovddas. Bártni guoktá dovddasteigga vearredaguid go politiijat humadedje bárti guoktán oktan sudno váhnemiiguin, muitala Siellat leansmánnekontuvra politiijavuosttašbálvá, Roald Berntsen NRK:ii.

Laster Twitter-innhold