Biilalihkohisvuohta Finnmárkkus

Idjajávrris, Kárášjoga ja Leavnnja gaska, leamaš biilalihkohisvuohta, dan dieđiha politiija operašuvdnajođiheaddji Svein Erik Jakobsen NRKii. – Lei biila mii duohken bođii stuorra leavttuin ja deaivvai nuppi biilla mii lei bisánan. Guhtta olbmo ledje oktiibuot dan guokte persovdnabiillain. Jakobsen dadjá viidáset ahte ii oktage leat oinnolaččat roasmmehuvvon.