NRK Meny
Normal

Bielluiguin čuojaha Davvi Norgga riemuin

Luohti movttiidahtii su mastergráda ohppui. Dán geasi almmuha son, Kristine Nordgaren, iežas musihka Davvi Norgga riemuin Harštakas. Bielluiguin son čuojaha luđiid.

Kristine Nordgarenabielločuojanas Reinofon

Kristine Nordgarena bielločuojanas Reinofon. Dáinna čuojaha Davvi Norgga riemuin Harštakas.

Foto: Privat

Slagverker Kristine H. Nordgaren

Rumbodearpi/Slagverker Kristine H. Nordgaren. Son čuojaha dán mánus Davvi Norgga riemuin Harštakas.

Foto: Privat

Kristine Nordgaren lea beassan dán jagi nuorra dáiddárin Davvi Norgga riemuide. Son lea ožžon "Ungkunststipeandda" 140 000 ruvnnu. Davvi Norgga riemuin áigu son almmuhit iežas erenoamaš musihka maid gohčoda "Et fokus på Snefjord", ja das lea luohti mii lea duogážin, muitala Kristine Nordgaren gii lea rumbodearpi ja komponistta.

Luohti geasuhii ráhkadit erenomaš čuojanasa

Ola Graff girji "Om kjæresten vil jeg joike", dat movttiidahtii su ráhkadišgoahtit luohtelaganaš šuoŋaid, ja nu son dahkagođii Muorrala guovllu luđiid iežas mastergráda barggus. Kristine Nordgaren ii gal loga iežas leat sápmelažžan, muhto sihke su áhčči ja eadni leaba davvi norgalaččat. Eatnis lohká leat lofoahtalažžan ja áhččis ges muoffilažžan. De gullevašvuohta sus gal lea davvi Norgii.

Masteroahppu gárvii Romssa Universitehtas

Masteroahppus gárvii son Romssa Universitehtas, ja das lea váldodeaddu sámi kutuvrras ja sámi čuojanasain. Dát leige duogážin Nuorradáiddár - ohcamušas Davvi Norgga riemuide dahjege Festspillaide, ja de geavaige nu ahte son fitnii 140 000 ruvnnu sturrosaš Ungkunststipeandda/ nuorradáiddárstipeandda.

Mastera válddi son rumbodearpamis/ slagverkas. Ja go vuos lei mearridan das dahkat masteroahppu, de lohkagođii son buot maid gávnnaid, ja de fuomášiige Ola Graffa girjji «Om kjæresten min vil jeg joike».

Graffa girji vuođđun fáddái «Et fookus på Snefjord»

Graffa girjjis gávnnai vihtta luođi, ja de gávnnahii ahte son ferte ráhkadit iešguđetge laganaš čuojanasaid. Čuojanasaid maid ráhkadii, dat leat erenoamážat. Earret eará ráhkadii son rumbbu náhkis, ja ráhkadahtii vel reinofona. Dat lea erenoamáš čuojanas mas leat 20 biellu, bielluid tingui sibitdoallo-fábrihkás.

Reinofon | Kristine H. Nordgaren Gula mo Reinofona čuodjá, ja loga dás dárogillii su birra

Čuojaha ja almmuha CD Harštakas Davvi Norgga riemuin

Harštakas leat Davvi Norgga riemut, ja doppe son galgá čuojahit reinofonan ja daid eará čuojanasaiguin vihta luođi. Ja dasa son gal illuda. Reinofona lea dat čuojanas maid lea ráhkadahttán, ja das leat 20 biella maid son dearpá. Dáinna čuojaha luđiid, mat gullet Muorralii.

Bajásšaddan Haldenis

Iežas muitala leat máddin Haldenis bajásšaddan, muhto lea studeren Tromssas manga jagi, ja dál bargá son Alttá kulturskuvllas. Iežas muitala beroštit sámi kultuvrras ja maiddai kvæna kultuvrras. Su bargonamahus lea klasihkkalaš rumbodearpi/ slagverker.

Dál illuda geassemánu 20 beaivái, dalle almmuha son iežas CDa ja dalle dan beaivve leat sus golbma konseartta Hárštakas, ovtta-áigge, njealli-áigge ja čieža-áigge, de dalle lea vejolas gullat Kristine Nordgarena čuojaheamen bielluiguin vihta luođi maid gullevašvuohta lea Mourralii, ja gaskohagaid juoigá vel guovdageaidnolaš Johan Mathis Skum.