NRK Meny

Bieggamillupárka Mearohkei

Duiskalaš fitnodat E.On oažžu hukset bieggamillopárkka Mearohkei davvi Trøndeláhkii Kopperaa guvlui. Nu mearridii Mearohke gielddastivrra eanetlohku ikte eahkedis. Bargiidbellodat, olgešbellodat, guovddášbellodat ja okta Bygdelisttus jienastedje huksema bealis.

Liikká ii jáhke sátnejođiheaddji bargiidbellodaga Bård Langsåvold ahte bieggamillupárka huksejuvvo goassege, go loahpalaš mearrádusa dahká Norgga čázádat ja energiijadirektoráhtta ja departementta. Ja dat váldá hárve vuhtii maid gielddas mearridit, dadjá Langsåvold.