Rástegáisái plánejit hukset 200 bieggamillu. Vind Kraft Nord dat lea plánemin dáid bieggafápmorusttegiid. Sii árvvoštallet 300 gaskaboddosaš bargosaji go bieggafápmorusttegiid huksejit ja 100 bistevašbargosaji.
Ragnhild Rajala Lautz mielas ii leat dárbu bieggamilluide.
Foto: PrivatDeatnulačča Ragnhild Rajala Lautz mielas gal ii leat dárbu hukset bieggamilluid:
─ Bieggafápmorusttega huksen lea áibbas endorii ja duođaid jallodat. Dasa lassin lea áibbas dárbbašmeahttun hukset bieggafápmopárka Rásttigáisái, dadjá Ragnhild Rajala Lautz.
Čuohcá boazodollui
Vindkraft Nord fitnodat dat áigu hukset bieggafápmopárkka guovdu Lágesduoddara orohaga eatnamiid lahka Rásttigáisá.
– Dál mii gal fertet čielgasit ja jitnosit dadjat ii dáid plánaide. Nu dadjá Lágesduoddara orohatovdaolmmoš, John Idar Anti, ságat áviisii.
Son lohka orohaga juo lea doarvái gillán, ja čujuha Áttánvuona elfápmorusttegii mii juo lea huksejuvvon sin eatnamiidda.
– Dál áigu Vindkraft Nord fas hukset ođđa bieggafápmorusttega guovdu min eatnamiid, ja mii eat sáhte mange ládje dohkkehit dieid huksenplánaid, ja lohpidit garrasit daid vuostálastit orohaga 13 Lágesduoddara orohatovdaolmmoš, John Idar Anti, Ságat áviisii.
Vuostálastimat maiddái ránnjá orohagas
Čorgaš orohaga ovdaollmoš, Nils Arvid Guttorm iige lea mielas bieggafápmohuksemiidda ránnjáorohagas:
Čorgas orohaga ovdaolmmoš, Nils Arvid Guttorm lohka bieggafápmohuksema maiddái čuohcat Čorgaš orohahkii. Doppe han áigot hukset sihke linjjáid, turbiinnaid ja luottaid.
─ Dasa lassin mii diehtit ahte áigumuš han lea hukset 200 bieggamilluid Lágesduoddara orohaga duovdagiidda, mii dasto dagaha ahte Lágesduoddara eallu duvdojuvvo Čorgaš eatnamiidda, dadjá Nils Arvid Guttorm.
Ipmirdit boazodoalu balu
Vindkraft Nord-fitnodaga ovddasteaddji, Harald Dirdal, dadjá ahte fitnodaga bealis áddejit bures boazodoalu hástalusaid, bieggafápmorusttegiiguin ja -huksemiiguin.
Vindkraft Nord ovddasteaddji, Harald Dirdal, bures áddet boazodoalu hástalusaid, bieggafápmorusttegiiguin ja -huksemiiguin.
Foto: Øystein Ellingsen / NRKLea Vindkraft Nord mii áiggošii davábeallái Rástegáissá ásahit "Davvi Vindpark"-nammasaš bieggafápmoguovllu.
Guldal fitnodaga ovddasteaddji dás:
Dirdal dadjá ahte fitnodat áigo dárkilit gulahallat boazodoaluin, ja fitnodagas árvvoštallet ruđalaš buhtadusa boazodollui huksema ja ásaheami ovddas.
Buhtadasa maiddái digaštallat boazodoaluin
Harald Dirdal, muitala ahte fitnodfaga bealis leat sii gergosat maiddái buhtadusaid digaštallat boazodoaluin. Son mieđiha ahte sin bieggafápmoplánait dagahit váikkuhusaid boazoealáhussii, muhto ii loga dál vuos diehtit man stuorra váikkuhusaid dat dagaha boazodollui.
