Bidjá searaid taleantaprográmmii
NRK Sápmi bidjá searaid taleantaprográmmii, ja galget hárjehit ja oahpahallat nuorra taleanttaid šaddat boahttevaš journalistan ja mediabargin. Mona Solbakk jođihišgoahtá taleantaprográmma. NRK sámi divišuvdna dáhttu nuoraid movttiidahttit mediabargguide, ja nu ođasmahttá rekrutteren- ja gealbudahttinprográmma. Guhtta kandidáhta válljejuvvojit prográmmii mii bistá čakčamánu 1. beaivve rájes gitta geassemánu lohppii boahtte jagi. – Dása gal nu illudan. Mii vel buoret go bargat nuorra taleanttaiguin geat galget hábmet ja ovdánahttit NRK Sámi seammás go ieža ge ovdánit ja hárjehallet mediabargui, Mona Solbakk.