Korte nyheter

  • Rektorat mearridit doaibmabijuid

    Oahpaheaddjit háliidit ahte rektorat mearridit koronadoaibmabijuid skuvllas, ovdalii go ahte suohkanat galget mearridit. Go njoammun lassána ja vel go olu oahpaheaddjit leat eret buozalmasvuođa geažil, ja vel go váilot vikárat, de dagaha dat stuora hástalusaid skuvllain ja mánáidgárddiin. Oahppolihtu dieđuid mielde de háliidit oahpaheaddjit ahte rektor mearrida juohke skuvllas doaibmabijuid, ovdamearka dihte geahpeduvvon oahpahusáigi.

    Skoleklasse
    Foto: Leif Bryne/Flicr
  • Registreren alimus njoammunlogu

    Maŋemus jándoris leat registreren 5.138 ođđa koronanjoammuma Norggas. Dat lea alimus lohku maid leat registreren ovtta jándoris, olles pandemiijas. 320 koronapasieantta ledje ikte buohcciviesus, dat lea 25 eanet go beaivvi ovdal. 90 pasieantta leat intensiivaossodagas ja 50 ožžot vuoigŋanmašiinnas veahki.

    Ingvild Berg analyserer koronatester ved mikrobiologisk laboratorium ved Nordlandsykehuset i Bodø.
    Foto: Ola Helness
  • Omikron buktá vuorjašumi

    Álttá suohkana váldodoavttir Ingunn Heggheim jáhkká dás ovddasguvlui njoammumiid lassánit suohkanis ja ahte Omikron virus čuohcá maiddái suohkana dearvvašvuođadoaimmahahkii. – Vaikko koronanjommun lea bisson dássedis dilis daid maŋemuš vahkkuid, de ii leat go áigegažaldat goas njoammun maid leavvagoahtá Álttás, lohká Heggeheim.

    Alta kommune, bybildet.
    Foto: Kai Erik Bull / NRK