NRK Meny

Bellodat háliida gádjut gumppiid

Birasbellodat Ruoná vuosttilda Boraspirelávdegotti mearrádusa báhčit 47 gumppe Norggas. Birasbellodat oaivvilda ahte dát ii sáhte dahkkot ovdal go Norgga eiseválddit leat gulahallan ruoŧabeale eiseválddiiguin. Bellodat gáibida Norgga stáhtaministara váldit oktavuođa Ruoŧa stáhtaministariin, go boraspiresoahpamušas boahtá ovdan ahte Norga galgá šiehtadit Ruoŧain ahte mo kránnjáriikaguovttos galgába hálddašit gumpenáli. Dáid muitala NTB ođasdoaimmahat.