NRK Meny

Beassá bákkus lonistit eatnamiid

Statnett beassá bákkus lonistit eatnamiid mat gullet Fálá, Fieddara, Válgenjárgga ja Lákkonjárgga orohagaide. Dan cealká Álttá námmamánneriekti. Nu beassá Statnett huksegoahtit ođđa el-fápmolinjjá Báhccavuonas Skáidái. Cuoŋománu 30. beaivvi diibmá mearridii Oljo- ja energiijadepartemeanta addit lobi álggahit barggu ja bággolonistemiid. Prošeakta guoskkaha 30 orohaga, muhto loahpas ledje njeallje orohaga mat eai vuolláičállán šiehtadusa, ja maid Statnett stevdnii námmamánneriektái. Ii goabbáge bealli dárbbaš máksit áššegoluid, cealká vel námmamánneriekti.