Bearašfitnodat oaččui bálkkašumi
Guovdageaidnulaš fitnodat Kautokeino Rein gudnijahttojuvvui Arktisk Verdiskaping-nammasaš lágideami bálkkašumiin. Kautokeino Rein bálkkahuvvo 30.000 kruvnnuin, earret eará go bohccobiergobuvttadeaddji lea čeahppi ávkkástallat olles bohcco goruda, biergobuvttadeami oktavuođas. Nu čilge bálkkašumi árvvoštallanlávdegoddi preassadieđáhusas.