Geassemánu 20. beaivvi son galgá Anáris bealuštit barggus. Son lea dutkan báikenamaid Unjárggas ja Mátta Várjjagis. Son lea oahppus váldán Oulu Universitehtas, muhto nákkusdilálašvuohta lágiduvvo Anáris, earret eará danne go Anáris leat lagaš oktavuođat Mátta Várjjagii ja Unjárgii.
Manne báikenamaid dutkagođii
Iežas muitala dutkagoahtán sámi báikenamaid justa danne go son fuomášii ahte sámi báikenamaid illá dohkehedje bidjat nugo mat geaidnošilttaide. Dát ášši dat bovttii su guorahallagoahttit mo báikenamat leat leamaš álgo álggu rájes, ja mo dat dađistaga leat dáruiduvvan.
"Namat dan nammii"
"Namat dan nammii" lea girjji namma maid son lea čállán iežas dutkamiid vuođul.