Bb beassá ain leat njunnožis
Finnmárkku ođđa fylkadiggeáirrasat deaivvadit vuosttaš geardde duorastaga, golggotmánu 15. beaivvi. Dalle válljejit ođđa fylkalávdegotti ja eará lávdegottiid. Bargiidbellodaga Runar Sjåstad beassá vuordimis joatkit fylkasátnejođiheaddjin. Kárášjohkalaš Ragnhild Vassvik ges lea gárvvis válljejuvvot várresátnejođiheaddjin jus eanetlohku searvá dasa. Bargiidbellodat lea ohcan ovttasbarggu Sosialisttalaš Gurutbellodagain, Kristtalaš Álbmotbellodagain ja Guovddášbellodagain.