- Dat lea oainnat nu ahte álohii go mun mannen bátnedoaktára lusa de ledjen nu balus, ja danne in šaddan johtit nu dávja doppe. Ja nie guohcagedje ge mu bánit, muitala Magnar Varsi (57).
Issoras divrras Norggas
Varsi iskagođii gos son sáhtášii oažžut divššu. Norggás lohke máksit guokte čuođi duhat ruvnno bijáhit ođđa bániid. Danne ohcágođii olgoriikkas, ja Budapesta bátnedivššárat eai sihtan earago 90 duhát ruvnno. Ungarnas son finai golmma geardde, ja šattai ankke hálbbit go Norggas.
- Mu mielas šattai hirbmat buorre, ja de jurddašin ahte livčče vuogas eará norgalaččaide maid. Ahte sii geain ii leat nu buorre várri, ahte sii maid suitet divvut bániid, dadja Varsi.
Divuhit stuorát bátneváttuid
Bátnemátke fitnodaga álggahii son beal goalmmat jagi áigi, ja dán radjai lea son jo lágidan bátnedivššumátkkiid birrasiid guovtti čuođi olbmui. Maiddái sámis leat geavahan dán fálaldaga.
Norggas lea divrras dikšut bániid, ja eai leat goassege leamašan nu unnan bátnedoaktárat, goit Finnmárkkus, go dál leat. Muhto Varsi ii loga olmbuide gal gánnáhit smávit bátneváttuiguin vuolgit.
Duhtavaš geavaheaddji
Eatnasat Varsi fitnodaga geavaheaddjiin leat vuos dál lulli-norgalaččát, ja okta sis gii lea geavahan dán vejolašvuođa, lea Johannes Dybdahl
- Mun gal áinnas ávžžuha earáid ge geavahait dán vejolašvuođa, go dat gánnáha. Lean nuppelot duhát ruvnnu seastán, vaikko lean moddii jo fitnán doppe, dadja Dybdahl..