Bartariidu guhkkin eret čovdosa

Vaikko Sárevuomi čearus lea boazoguohtonvuoigatvuođat Álddejávri-guovllus, de čuoččohit Norgga eiseválddit ahte čearru lea čieža bartta huksen lobi haga. Beardu sátnejođiheaddji Toralf Heimdal oaivvilda ášši lea olgoriikapolitihkka, go juo guovllu boazodoallu lea gullevaš sihke Norgii ja Ruŧŧii. Badjeolbmuid barttat leat huksejuvvon guovllus gos leat juo stuorra ođđaáigásaš barttat mat gullet dážaide. Liikkáge háliidit eiseválddit ahte badjeolbmuid barttat galget gaikoduvvot.