NRK Meny

Bartariidu Beardus

Logi jagi boares bartariidu Álttesjávrris, Beardus, gos norgga eiseválddit oaivvildit ahte ruoŧa sámit leat lobiheamet huksen guođohan barttaid, sáhttá šaddat nu ahte sii fertejit gaikkoditt dáid barttaid. Guokte sámi čearu leaba ohcan huksenlobi, maŋŋel go barttaid huksejedje. Ášši lea hirbmat váttis, ja Norggas meannudit ášši sihke suohkan, fylkamánni ja departemeanta. Romssa Fylkamánni plána- ja boazodoalu jođiheaddji, Per Elvestad, dadjá ahte Beardu beassá dál gaikkodit barttaid. Saarevuomi čearu jođiheaddji Per-Anders Nutti ii hálit kommenteret maidege fylkkamánnii mearrádussii ovdalgo lea gulahallan advokáhtain.