NRK Meny
Normal

Bargiidbellodat ii lonut FeFo áirasa

Norgga Sámiid Riikkasearvi lea bivdán Bargiidbellodaga Sámediggejoavkku gávdnat eará stivralahtu FeFo stivrii, go NSR ii luohte šat dálá áirasii Marit Kirsten Anti Gaup;i. Ávvir dat álggus čálii dán ášši birra.

Marit Kirsten Anti Gaup og Raymond Robertsen

NSR gáibida ahte Bargiidbellodaga sámediggejoavku nammada eará áirasa Marit Kirsten Anti Gaup sadjái FeFo stivrras.

Foto: NILS JOHN PORSANGER / NRK

– Mii leat gulahallan Bargiidbellodagain dán áššis ja čilgen manne mii bivdit bellodaga nammadit eará olbmo stivrii, lohká Norgga Sámiid Riikkasearvvi parlamentáralaš nubbijođiheaddji Sandra Márjá West.

Son ii dieđe maid Bargiidbellodat dahká áššis, muhto sii leat gulahallan ja čilgen makkár váikkuhusat leat jos eai čuovvul NSR ávžžuhusa.

Norgga Sámiid Riikkasearvi bivdá Bargiidbellodaga nammadit eará áirasa FeFo stivri go dálá áirras.

Norgga Sámiid Riikkasearvvi Sandra Márjá West lohká NSR lea bivdán Bargiidbellodaga sámediggejoavkku nammadit eará áirasa FeFo stivri.

Ii leat gullan maidige

Bargiidbellodaga Sámediggejoavkku nammaduvvon áirras FeFo stivrii, Marit Kirsten Anti Gaup, son gullá juohkelágan dieđuid medias su FeFo stivrradoaimma hárrái, muhto son ii leat maidige gullan Bargiidbellodaga Sámediggejoavkkus.

– Mon in jáhke gal Bargiidbellodaga dáhttut mu eret stivrras, in leat gullan sis maidige dán ášši hárrái, muitala Marit Kirsten Anti Gaup.

FeFo stivrraáirras Marit Kirsten Anti Gaup ii leat gullan maidige dan birra ahte NSR ja Bargiidbellodat Sámedikkis leat háleštan ja árvvostallan su lonuhit eret Sámedikke ovdadsteaddjin FeFo stivrras.

Marit Kirsten Anti Gaup ii leat gullan ahte Bargiidbellodaga sámediggejoavku háliida su eret FeFo stivrras.

Eai jerron

Daid unnit opposišuvdnabellodagaide ii leat gal makkárge jearaldat boahtán FeFo stivrra hárrái.

– Mon lean gullan ahte diekkár sáhka jorrá, muhto ii Árja ii ge Nordkalottfolket leat makkárge jearaldagaid ožžon FeFo stivrra hárrái, lohká Árjja sámediggeáirras Inger Eline Eriksen Fjellgren.

Fjellgren lea háleštan dán ášši birra Nordkalottfolket Toril Bakken Kåvenin, muhto eai leat maidige gullan

Bargiidbellodat ii lonut áirasa

Bargiidbellodaga parlamentáralaš jođiheaddji Sámedikkis Ronny Wilhelmsen lohká ságastallan Norgga Sámiid Riikkaservviin FeFo stivraáirasiid birra, muhto sii eai dáhtu gal Bargiidbellodaga nammaduvvon áirasa lonuhit.

Bargiidbellodaga parlamentáralaš jođiheaddji Sámedikkis Ronny Wilhelmsen lohká ságastallan Norgga Sámiid Riikkaservvin FeFo stivraáirasiid birra, muhto sii eai dáhtu gal Bargiidbellodaga nammaduvvon áirasa lonuhit.

Bargiidbellodaga parlamentáralaš jođiheaddji Sámedikkis Ronny Wilhelmsen ii áiggu namamdit eará FeFo áirasa, nu go NSR bivdá.