NRK Meny

Bargiidbellodat duhtameahttun

Bargiidbellodat lea duhtameahttun go ráđđehus ii leat vel čielggadan Svalbárdda boahtte áiggi ruvkedoaimmaid dáfus. Nu dadjá Olgoriika- ja suodjaluskomitea jođiheaddji, Bargiidbellodaga Anniken Huitfeldt, go ii leat vel mihkkege mearriduvvon das ahte leago ruvkefitnodat Store norske vai eará fitnodagat, mat jođihit ođđa ealáhusaid doppe. Stuorradiggi dat otne digaštallá Svalbárdda boahtteáiggi.