NRK Meny
Normal

Bargiidbellodaga ođđa kulturlohpádus

Bargiidbellodat hálida lasihit doarjaga kulturealáhussii Norggas.

AP sitt nye kulturløfte.
Foto: Samuel Frode Grønmo / NRK

Dat ahte bargiidbellodat háliida lasihit kulturdoarjaga ovttain proseanttain, addá munnje doaivaga ahte sámi ja Porsáŋgu museat sáhttet ovdánit, dadjá sátnejođiheaddji Aina Borch.

Dálá ráđđehusa stáhtabušeahtas jullot sullii 0,8 proseantta kulturealáhussii.

Čoahkkanedje Skuvvanváris

Válggagiččut leat oalát álgán ja bargiidbellodat almmuhii ođđa lohpádusa lasihit doarjaga kulturealáhussii Norggas.

Duorastaga deaivvadedje sátnejođiheaddji Porsáŋggus Aina Borch, bargiidbellodaga Stuorradiggeevttohas Inga Lill Olsen ja Sámediggeevttohas Kåre Olli, Riddoduottarmuseaid soahtemuseas Skuvvanváris. Sii ledje bovden historihkkára ja várre jođiheaddji Riddoduottarmuseain Arvid Petterson mielde.

Finnmárkku Bargiidbellodagas sávvet lohpádusain nannet sámi kultuvrra, nugo sámi filbma, -musihka ja -duoji. Dasa lassin plánejit nannet museaid Finnmárkkus ja ovdánahttit musea bargguid.

Bargiidbellodat lea kulturbellodat ja danin lea dehálaš midjiide lasihit doarjaga kulturealáhussii, dadjá Inga Lill Olsen.

AP vil øke kulturbudsjettet til 1% av statsbudsjettet

Niegada hukset visttiid Finnmárkui

Stuorradiggeevttohas Inga Lill Olsen čuoččuha ahte Finnmárkkus eai leat doarvái visttit. Son oaivvilda ahte Finnmárkkus ii leat go okta stuorra bázzi visti, Sámediggi, ja dat ii leat doarvái Olsena mielas.

Lea stuorra dárbu hukset eambbo vistiid.

Stuorradiggeevttohasa mielas rahčet sámi museat, go dain lea unnán sadji váldit vuostá dávviriid.

Gávdnojit olu sámi dávvirat sihke lulli-Norggas ja dat maid ealjárat leat máŋggaid jagiid čoaggán soahteáiggis. Fylkkas eai váillo dušše vistit gosa daid sáhttá vurket, muhto maiddái visttit gos daid sáhttá čájehit. Su mielas berrešedje dávviriin ráhkadit čájáhus Finnmárkkus iige Oslos.

Sámiid soahtehistorjá ii leat dutkojuvvon

Čálli ja historihkkár Arvid Petterson ballá ahte Finnmárku kulturárbi láhpo jus dat ii dutkojuvvo.

- Dálá dilis ii leat mis ruhta virgádit fágaolbmuid geaiguin lea gelbbolašvuohta dutkat. Sámit ja nuppi máilbmi soahtti ii leat dutkanfáddá ja dat gal berrešii leat .

Petterson oaivvilda ahte lea ain stuora dárbu duođaštit mii dáhpáhuvai Finnmárkkus nuppi máilmmisoađis ja galggašii sirdit fokusa Finnmárkui ii ge lulli-Norgii.

Arvid Petterson lea okta dain gii vuđolaččat lea dutkan Finnmárku historjjá. Petterson oaččui 2012 Gonagas muito medálja su barggu ovddas. Petterson lea čállán máŋga girjji mat duođaštit Finnmárku soahtehistorjjá, maid son ain oaivvilda sáhtášii buorebut duođaštit. Petterson lea várre jođiheaddji Riddu Duottar Museain.