Bargguhisvuohta lassánan
Ruoná eatnamis leat eanet olbmot bargguhisvuođas go seamma áiggi diibmá. Oppalaččat lea olmmošlohku unnon, muhto olbmuid bargguhisvuođa lohku, lea gis sturron. Nu dieđiha ruoná eatnama tv, knr.gl.
Bargguhisvuođa logut eai leat 2010 rájes leamaš nu allin go dál. Gaskamearálaččat leat 3782 olbmo leamašan bargguhisvuođas dán jagi álgo ovcci mánu. Lohku lea 120 eambbo go diibmá. Muđui lea olmmošlohku Ruoná eatnamis njiedjan 500 olbmuin guovtti jagis.