Barggaheaba dorvoohcciid

Soai leaba viššal go lea sáhka veahkehit ja barggahit dorvoohcciid geat ásset Davvi-Norgga Vuostáváldinguovddážis ovddeš Bissojoga internáhtas.

Sonja Magnhild Nyby og Aina Hanssen

Sonja Magnhild Nyby ja Aina Hanssen

Foto: Arne Ivar Johnsen / Nrk

Snowbar Baban og Hussen Baban

Snowbar Baban ja Hussen Baban

Foto: Arne Ivar Johnsen / Nrk

Sonja Magnhild Nyby ja Aina Hanssen, geat ássaba Leavnnjas Porsáŋggus, fitnaba oktii vahkkus barggaheamen dorvoohcciid geat orrut Davvi-Norgga Vuostáváldinguovddážis ovddeš Bissojoga internáhtas.

Soai barggaheaba olbmuid iešguđet láhkai ja gieskat soai oahpaheigga dorvoohcciid málestit guollemeasttu dorskis. Snowbar Baban, gii lea eret Kirkut gávpogis Davvi-Irakas, liiko go beassá oahppat mo dorskis maid sáhttá ráhkadit buori borramuša ja dasa son vel hui bures liiko.

Aina váivašuvvá go dorvoohccit biddjojit olggos

Børselv internat

Vuostáváldinguovddáš Bissojogas

Foto: Arne Ivar Johnsen / Nrk

Norgga Olgoriikadepartemeanta lea mearridan heaittihit 55 vuostáváldinguovddáža Norggas ja danin de galgá Davvi-Norgga Vuostáváldinduovddáš Bissojogas heaittihuvvot ovdal juovlamánu 1. beaivvi. Dán dihti Aina Hanssen váivašuvvá ja su mielas gal rikkis Norggas berrešii leat sadji olbmuide geat leat šaddan báhtarit ja guođđit ruovttuideaset soađi dihti.

Ieš leamašan seammá dilis

Aina Hanssen muitala ahte maiddái son lea vásihan báhtareaddji dili nuppi máilmme soađi oktavuođas. Son gárttai ovttas iežas váhnemiiguin báhtarit meahccái danin go sii eai háliidan evakuerejuvvot máttás nugo duiskalažžat háliidedje nuppi máilmme soađi loahpageahčen. Maiddái su máttut, geat ásse Durdnosis ja Mátta-Suomas, gárte 1800-logus nealggi dihti báhtarit Norgii.

Ráhkisvuođalávlla maŋŋá borramuša

Muhudin Abdulqadir Salan

Muhudin Abulqadir Salan

Foto: Arne Ivar Johnsen / Nrk

Maŋŋá go olbmot ledje borran dorskis ráhkaduvvon guollemeasttu de lávlestii vel Muhudin Abdulqadir Salan ráhkisvuođalávlaga iežas gillii. Muhudin lea eret Somalias ja lea cuoŋománu rájes orrun vuostáváldinguovddážis Bissojogas. Son lohká iežas liikot lávlut ja lea muhtumin maid fitnan Kvena Instituhtas gos lea lávlun olbmuide.