Kristine Nystad bargá Sámi Allaskuvllas ja lea PhD-studeanta Oslo Universitehta medisiidnalaš fakultehta, dearvvasvuođa ja servodat Instituhta, dábálaš fágaoahpposuorggi ja servodatmedisiidnalaš ossodagas. Su prošeavtta namma lea "Pathways to Adulthood".
Dutká nuoraid eallima rievddadeaddji servodagas
Iežas muitala guorahallat nuoraid Guovdageainnus. Ja dát lea oassi prošeavttas, mas riikkaidgaskasaš dutkanjoavku dutká sullasaš áššiid sirkumpolára guovlluin davvi Alaskas, Canadas ja Sibirijas.
Dán prošeavtta ulbmil lea čohkket dieđuid, ja guorahallat mo nuorat dustejit hástalusaid mat čuožžilit nuorravuođa eallimis ollesolbmo eallimii. Erenoamážit servodagas mii dađistaga rievddada.
Seammás joatká son čállit Johan Turi nuorravuođas, ja otná nuoraid dilis. Dás son boahtastahttá historjjálaččat Guovdageainnu nuoraid eallin rievdadusaid ja kontinuitehta maŋimuš 150 jagi áigodagas.