NRK Meny
Normal

Barentslágádusa Noveallagilvu

Badjelaš bealnnot mánu lea vel dássái go Barentsforlaga noveallagilvu nohká. Rádjaguovlo dáhpáhusain dáhtošedje noveallaid.

Rune Rafaelsen, Barentssekretariatet
Foto: Bjørnbakk, Jan-Morten / SCANPIX

 Barentsčállingoddi ja Barentslágádus dat ovttas bovdejit čálliid sáddet miessemánu vuosttaš beaivái gávci siidosaš noveallaid Barentslágádussii. Barentsčállingoddi ja Barentslágádus ohcalit ná eanet muitalusaid rádjaguovlluin.

Sii ohcalit erenoamážit dáhpáhusaid noveallahámis ruošša rádjáguovlluin danne go 90-logu álggogeahčen go rádjá ráhpasii, de dáhpáhuvai olu died guovlluin.

 Ráhkesvuohtaáššit

Barentslágádusa Natalia Romanova muitala go ruossarádjá rahpasii de šattai maid eanet mátkošteapmi earret eará Norgii ja Supmii. Olbmot deaivvadedje, ráhkesvuohta dagahii ahte párat náitaladde, muhto dehtalasat maid dáhpáhuvai olu mii ii lean nu buorre.

Soitet vel drámáhtalaš áššit maid dáhpáhuvvan, ja dáid heivešii bures muitalit noveallahámis.

Čále novealla

Dál lea vel áigi čállit novealla ja sáddet dan Barentslágádussii. Novealla ii galgga leat guhkit go gávci A-njellješ siiddu, ja sádde dan lágádussii ovdal miessemánu 1. beaivvi.

Buoremus novealla bálkkašuvvo 40 000 ruvnnuin, nubbin buoremus 20 000 ruvnnuin ja goalmmát ges 10 000 ruvnnuin. Vuoitit almmuhuvvet  2008 "Barents Spektakelis" Grkonjárggas.

Gula jearahallama dás