Ballet biebmoguolit nuoskkidit
Guolástusealáhusas ballet ahte biebmoguolit nuoskkidit Norgga mearra ja rittuid, muhto dutkit eai leat ovttaoaivilis. Diibmá nuoskkidedje biebmanrusttegat seamma olu go dan maid 17 millijovdna olbmo luite. Daid váikkuhusaid ektui, maid mii oaidnit, de lea dutkan hirpmástuhtti heittot, lohká guolásteaddji Paul Jensen. Son lohká maid ahte biebmanrusttegat eai čuovo njuolggadusaid ja luitet merrii buot minerála Saltiid, mat nuoskkidit meara.