NRK Meny
Normal

Ballá sámegiella mánnábiellen sjaddá ådå suohkanijn

– Bádjat ådå suohkanijt mierredit jus sámegiela háldadusguovlluj galggi la sámepolitihkav gåtsadit.

Inga-Lill Sundset murkes stáhtatjálle moalgedibmáj.

Inga-Lill Sundset murkes stáhtatjálle moalgedimes.

Foto: Harrieth Aira / NRK

Jådediddje Barggijbelludagá sámepolitihkalasj ráden, Inga-Lill Sundset murkes gå stáhtatjálle Jardar Jensen NRKaj javlaj duolli mierredimfábmo l bájkálasj demokratijan mij guosská ådå suohkana oasseválldem sáme giellaháldadusguovlluj. Stáhtta jalik ráddidus ij sidá manga láhkáj majdik dan birra moalgedit.

Lågå ienebuv dan birra dánna: – De nye kommunene avgjør fremtiden for samiske språk

– Dat la sæmmi gå sámepolitihkav gåtsadit. Dat la ierit sihkkot dajt mærrádusájt majna lip juo rahtjam. Diehtep gal viehka ájgge l gållåm mærrádusáv soames suohkanijn oadtjot, dagu dal Raavrevijhken gånnå moadda jage gållin åvdås gå mierreduváj. Nuppádis vat dáv giehtadallat la sæmmi gå sáme álmmugav vat noadedit.

Vuorddemij biedjat

Esski válljidum njunnjusj Barggijbelludagá sámepolitihkalasj divudagán mårås udnásj ráddidusá båhtusijt tjalmostit.

– Suohkanijt oadtjot sáme giellaháldadusguovlluj dájna ádján. Stáhtatjálle Jardar Jensen javllá ådå suohkanij duogen la dáv mierredit. Nappu viertti suohkana

Suohkanijt oadtjot sáme giellaháldadusguovlluj dájna ádján.

ådåstuhttemav vuorddet åvdås gå mierreduvvá. Dajna de dille værrán sáme álmmugijn dájn suohkanijn suohkanstivrav oadtjot maŋen sáme ássjijt tjalmostahtátjit.
Dajna de ássje aj suohkanijt tjáledit sáme giellaháldadusguovlluj maŋŋun.

Riektájt massi

Alek ráddidusájn de Inga-Lill Sundset ij iehpeda ráddidusá ulmev dájna, valla sån ij åvvånis murde, ja joarkká bargujn oajbbot riektáj åvdås majna l vuorbástuvvam.

– Ådå suohkana viertti ietja åhtsåt sáme giellaháldadusguovlluj tjáledittjat, javlaj stáhtatjálle Jardar Jensen. Doajvov ij la ajtu nav, valla gåk Jardar Jensen tjuottjot lav balon dát dav merkaj.

– Dát la ássje majna de rahtjat galgav nav vaj ij mige dassta sjatta, ja nav vaj ep riektájt masse majna lip ájgij tjadá oajbbum.