Ballá elrávdnnji divrut
Jus šaddá goike čakča, de sáhttet elrávdnjehattit lassánit beliin dálvái. Dan dadjá elfápmoguorahalli Tor Reier Lilleholt Dagens Næringsliv-aviisii. Duiskas sáhttet gártat giddet atomfápmorusttegiid danin go jogat leat goikan ja čáhci geavahuvvo čoaskudit dáid rusttegiid. Jus elrávdnji divru Eurohpas, de sáhttet Norgga elfápmobuvttadeaddji fuobmat vuovdit eanet elrávnnji olgoriikki, dan sadjái go seastit dálvái. Dát fas sáhttá čuohcat elfápmohattiide Norggas.