NRK Meny

Bálkon reabbábázahusaid

Measta 5500 tonna reabbábázahusat sáhttet leat bálkestuvvon Finnmárkku riddui maŋemus guokte jagi, vaikko dat ii leat lobálaš. 2015 ođđajagi rájes lea Finnmárkku fylkamánni addán lobi buohkaide, geat leat ohcan, bálkestit reabbábázahusaid. Ja oktiibuot ledje 11 fitnodaga ohcan sierralobi. Sivvan manne fitnodagat fertejit merrii bálkut reabbábázahusaid, lea go eai leat molssaevttolaš vuogit geavahit vuođđoávdnasiid, dan dieđiha Finnmárkku fylkamánni birasgáhttenossodat.