- Ovttasbargu Kárášjoga gielddain lea mearkkašan olu Lujávrri sápmelaččaide, lohká lujávrelaš, Jevgenij Juskkov.
Norgga Ruvdnoprinsapárra, Mette Marit ja Håkon, dat geigiiga bálkkášumi Tromssas.
- Dat ovttasbargu Kárášjoga ja Lujávrri gaskka lea addán buoret bajásšaddama ja birgejumi Lujávrri mánáide, logai Ruvdnoprinseassá Mette Marit.
Ásahan sierra foandda
Ruvdnoprinsapárra lea iežaska náittosbeaivvi 2001:s ásahan foandda man ruhta galgá addot doaimmaide mat njeidet rájáid.
Dán oktavuođas de válljejuvvui Kárášjoga ja Lujávrri prošeakta bálkkašumi vearan.
Sátnejođiheaddji liikon
Kárášjoga sátnejođiheaddji, Kjell Sæther, lea ilus go Ruvdnoprinsapárra lea fuomášan sin barggu dán oktavuođas.
- Buoret medisinnálaš fálaldat
- Mun dieđán ahte prošeakta lea buktán earret eará buoret čázi Lujávrelaččaide, ja maiddái buoret dearvvasvuođa fálaldaga.
Lujávrri buohcciviessu lea fidnen buriid ođđaáigásaš rusttegiid ja viessu lea muđui ođasmahtton, lohká Jevgenij Juskkov.