NRK Meny

Bálkkašupmi Blomsethii

Tonje Helene Blomseth oaččui ikte bálkkašumi Årets villmarking dahje dán jagá meahcásteaddji. Tonje Helene Blomseth orru dál Kárášjogas ja lea dovddus go lea leamaš mielde NRK "Eventyrjenter" ja TV 2 "Bloggerne" prográmmain. Árvvoštalliid mielas Blomseth movttiidahttá earáid vuolgit tuvrraide ja son ovdanbuktá meahcástallama buori ja rehálaš vuogi mielde. Blomseth ieš njuorrasii go oaččui bálkkašumi ja son lea hui ilus. Dát movttiidahttá su ain almmuhit govaid ja čállosiid iežas tuvrrain.