Báhccavuonas biila ribahan badjel geainnu
Politiijat leat ožžon dieđu johtolatlihkohisvuođas Sagelvvatnet guovllus Báhccavuona suohkanis.
Personbiila másii kontrolla, ribahii badjel geainnu ja gopmánii.
Politiijaid operašuvdnajođiheaddji, Karl Erik Thomassen, lohká ahte okta rávisolmmoš ja golbma máná vuollel 16 jagi ledje lihkohisvuođas.
– Ii oktage leat duođalaččat roasmmehuvvan, dadjá son NRK:i.
Go heahteossodagat bohte báikái, de ledje báikkálaččat váldán vára olbmuin geat ledje biillas.
Politiijain ii leat várohus ahte biilavuoddji lea leamaš vuoddján biilla juhkanvuođas, muhto lohket leat menddo árrat vuos lohkat mii lea rievttimielde dáhpáhuvvan.
– Fertet vuos gullat biilavuoddji čilgehusa ja jus vejolaš, earáin maiddái.