Báhčeveaigeaidnu galgá divvojuvvot

Finnmárkku fylkkagielda lea mearridan geavahit 45,6 miljovnna kruvnnu boahtte golmma jagi áigodagas, divodit Báhčeveaigeainnu Mátta-Várjjagas. Finnmárkkus lea stuorra ruhtadárbu geaidnobargguide, muhto Báhčeveaigeaidnu vuoruhuvvo dan geažil go dát lea dehálaš Mátta-Várjjaga ealáhusdoaimmaide, čilge fylkkaráđđi Grethe Ernø Johansen.