Bådåddjo kulturoaivegavpogin
Makkár mearkkašupmi šaddá Eurohpalaš kulturoaivegávpogis sámi kultuvrii. Dan digaštallet ihtin konferánssas Nordland Musikkfestuka oktavuođas Bådåddjos. Sámediggepresideanttas Aili Keskitalos lea sáhkavuorru. Bådåddjo lea ohcan beassat eurohpalaš kulturoaivegávpogin 2024:s ja dát nammadeapmi addo ain jahkái. Ulbmilin kulturoaivegávpot doaimmain lea čatnat Eurohpá álbmoga oktii ja čalmmustahttit earenoamášvuođa Eurohpá kultuvrrain. Ovdalaččas lea Bergenis ja Stavangeris leamaš dát namahus 2000:s ja 2008:s. Leat máŋga gávpoga Eurohpás ohcan beassat kulturoaivegávpogin.