Ávžžuhit vuodjit várrogasat
Sáltu politiijat ávžžuhit biilavuddjiid vuodjit várrogasat, maŋŋel go guokte ealgga vuddjojedje mannan ija.
Nubbi ealga vuddjui Oarjelij-Bájddáris, dárogillii Gildeskålas, ja nubbi gis Meløddjos. Fuođđonammagoddi lea dutkame dáid áššiid.
Ođđajagimánus ja guovvamánus vuddjojit eanemus ealggat olles Norggas. Gassa muohta ja buollašat dahket ahte ealggat bohtet luottaid lusa.