NRK Meny
Normal

Ávžžuhit iežaset áirasa

Kárášjoga Bargiidbellodagas ii leat luohtámuš Álttá BargiidBellodaga fylkadikkelistu nuppi saji árvalussii, danne ávžžuhit iežaset áirasa.

Ragnhild Vassvik
Foto: Nils Henrik Måsø / NRK

Kárášjoga Bargiidbellodat mearridedje ovddit beaivvi sihkástit Finnmárkku Bargiidbellodaga nominášunlávdegotti árvalusa nuppi sáji, namalassii Áltálačča Bente Haug. Seammas árvalit Kárášjohkalačča Ranghild Vassvik su sadjái.

Finnmárkku bargiidbellodaga nominašuvdnalávdegoddi lea bidjan čoahkkái vuosttaš árvalusa iežaset fylkadiggelistu. Sin fylkasátnejođiheaddji árvalus lea Čáhcesullolaš Runar Sjåstad. Nuppi sadjái leat arvalan, Áltálačča Bente Haug. Álttá bargiidbellodaga jođiheaddji, Bernt Berg ii loga sáhttit kommenteret Kárášjoga BB mearrádusa. Sii eai leat digaštallan vuos fylkadiggelistu, nu ahte dorjot vuos dan maid BB fylka nominašuvdnalávdegoddi árvalussii.

Seamma dahket maid Porsáŋggu Bargiidbellodat, go sii eai leat digaštallan ášši dadjá jođiheaddji Torkjell Johnsen NRK-Sápmái. Fálesnuori BB lea bargagoahtán nominašunbargguin, ja sii eaige sáhte nu olus muitalit dás dadjá nubbin jođiheaddji nominašunlávdegottis Ingar Eira. Finnmárkku bargiidbellodaga jođiheaddji, Ingalill Olsen dadjá ahte ii leat sin bargu kommenteret báikkálaš servviid árvalusaid dál dan botta proseassa jođus.

  • Guldal ášši:
    Finnmárkku BB nominašuvdna NY