Ávžžuha musliimmaid juhkat álkohola

Ovddádusbelodaga stáhtaráđđi Sylvi Listhaug cuiggoduvvo go ávžžuha musliimmaid ollásit čuovvolit norgga kultuvrra. Norgga čielggusvuođa-organisašuvnnat Blå Kors ja Actis cuiggodit Listhauga go ávžžuha olbmuid juhkat álkohola.

Sylvi Listhaug

Sylvi Listhaug ávžžuha buohkaid geat bohtet Norgii bálkestit amadadjogokčasa, borragoahtit spinnebiergga ja juhkagoahtit álkohola. Danne go dan dat lohká leat Norgga kulturvran.

Foto: Nils-Atle Sundnes / NRK

Gieskat logai stáhtaráđđi Listhaug musliimmaid geat bohtet Norgii čuovvolit norgga kultuvrra, danne eai gálgga musliimanissonat geavahit vuokta ja adadjo gokčaga. Sii galget maid borragoahtit spiinnebierggu ja galget maid navddašišgoahtit alkohola.

Eaddudii čielggusvuođa-organisašuvnnaid

Blå kors ja Actis organisašuvnnat cuiggodit Listhauga danne go son muđui doarju kristtalaš kulturárbbi, danne leat maid kristtalaččat geat garvet alkohola geavaheami hirpmástuvvan go Listhaug ávžžuha juhkagoahtiti álkohola.

Listhaug logai gieskat ahte buot olbmot galget barget, ja jos olgoriikalaččat nugo musliimmat eai bora spinnebierggu dahje juga alkohola, de fertejit sii rievdadit iežaset eallindábiid go bohtet Norgii. Norggas borret olbmot spinniebierggu, čájehit amadajuset ja juhket alkohola.

Eai norgalaččat buohkat juga álkohola

Listhaug cealkámušat leat suhttadan čielggusvuođa-organisašuvnna «Blå Kors». Organisašuvnna diehtojuohkki Sten Magne Berglund lohká Listhaug dáid ságaiguin lohká ahte buohkat Norggas juhket álkohola, ná han son lohká norgalaččaid leat juhkkis álbmogin. Berglund hálida fuopmášahttit Listhauga cealkámusaid, go ieš lohká doarjut kristtalaš kulturárbbi, muhto dattetge ávžžuha juhkat álkohola, mii ges dagaha olu dearvvašvuođaváttuid olbmuide.

Barget eastadit álkohola ja eará gárihuhttimirkkuuid geavaheami

«Actis» mii ii gal leat makkárge oskkuorganisašuvdna, doppe lohká Mina Gerhardsen ahte sin organisašuvnna váldodoaibma lea garvit álkohola máidnuma ja geavaheami ammaset olbmot álkohola geavaheami dihti šaddat buohccin. «Actis» lea maid organisašuvdna mii bargá buot earáge gárihuhttimirkkuid geavaheami vuostá.

«Blå Kors» ja «Actis» organisašuvnnat cuiggodit stáhtaráđi Sylvi Listhauga cealkámušaiad das ahte buot sisafárrejeaddjit galget čuovvolit álkohola geavahan kultuvrra mii Norggas ii gal leat dat buot buoremus. Gerhardsen maid cuiggoda go stáhtaráđđi Listhaug boahtastahttá Norgga kultuvrra álkoholain.

Dát organisašuvnnat eai gal loga leat makkárge buorre mihttun ávžžuhit sisafárrejeaddjiid juhkagoahtit álkohola, baicce galggašedje unnidit álkohola geavaheami bargodiliid oktavuođas. Nu dat čállá avisa Dagen