Ávžžuha bissehit bieggamillohuksema

Ovttastuvvon Nášuvnnaid nállevealahanlávdegoddi (CERD) ávžžuha mearrádusastis juovlamánu 10. beaivvi Norgga ovttatmano bissehit bieggamillohuksemiid Åarjel Fovsen Sijte guohtuneatnamiin. CERD lea ná mearridan maŋŋel go Sámiráđđi lea Åarjel Fovsen Sijte ovddas váidán Norgga Nállevealahanlávdegoddái ja čilgen movt doaimmat čuhcet siidda ja ovttaskas boazodoalli olmmošvuoigatvuođaide. – Dát lea vuosttaš vuoitu sin rahčamušain loahpalaččat bissehit bieggamillohuksemiid, dadja Sámiráđi presideanta Åsa Larsson Blind.

Korte nyheter

  • Ovttasbargošiehtadusa Murmánskkain

    Romssa ja Finnmárkku fylkaráđi jođiheaddji Bjørn Inge Mo dáhttu ođđa ovttasbargošiehtadusa kránnjá fylkkain Murmánskkain Ruoššas. Dát bođii ovdan Norgga ruošša ovttasbargobeivviid olis ikte. Gaskariikkalaš ovttasbargu lea fylkkagieldda deháleamos doaibma, go mii geat orrut davvin mis leat oktasaš hástalusat ja vejolašvuođat, lohká Mo.

    Bjørn Inge Mo (AP), fylkesrådsleder Troms og Finnmark fylkeskommune.
    Foto: Lars Åke Andersen
  • Vuoitán Gullsekken bálkkašumi

    Marja Mortensson Trio lea vuoitán dán jagi Gullsekken 2021 bálkkašumi. Sii vuitet beannot čuohte duhát kruvnna, suorggis jagi mátkkoštanbuvddaheapme. Lea Den kulturelle skolesekken mii juohká dáid bálkkašumiid. Máttasámi artista Marja Mortensson ja su joavku leat maid ovddet jagi vuoitán Spellemannbálkkašumi dainna buvttadeamen maid leat fievrredan ja ovdanbuktán skuvllain Norggas. Marja Mortensson Trios leat Marja Mortensson, Daniel Herskedal ja Jakop Janssønn.

    Daniel Herskedal, Marja Mortensson, Jakop Janssønn og Kringkastingsorkesteret
    Foto: Ellen Agneta Norvang
  • Sámi nissoniin čiekčamat

    Sámi spábbačiekčanlihttu lei plánen nissonriikajovkui čiekčama Romanias juovlamánus, muhto korona geažil ii šatta čiekčan. – Sii leat plánemin nissonriikajovkui čiekčama dán dálvvi, muhto eai dieđe vuos goas ja gos dat šaddá. Nu muitala FA sámi presideantta Håkan Kuorak. Son lohká FA sámi lágidit stivrračoahkkin boahtte vahkkus gos plánejit boahtteáigge doaluid. Håkan Kuorak lohká sihke almmáiolbmuid ja nissonolbmuid searvat meašttirvuođačiekčamiidda boahtte gease. Sámi nissonriikajoavkkus Conifa World Cup čiekčamat ja almmáiolbmuid riikajoavku ráhkkana Conifa Euro čiekčamiidda.

    Håkan Kuorak
    Foto: Dan Robert Larsen / NRK