Attes munnje ruđa

Go ruđa birra lea sáhka, de lea vuohttán, ahte olbmot leat geavahišgoahtán eanet ja eanet máŋggaidlogu hámi dakkár oktavuođain, goas sáhtášii geavahit ovttaidlogu. Nu muitala giellabargi Veikko Holmberg.

Ruđat
Foto: Else Turi / NRK

Ádjástis árbii olu ruđa

Go lea sáhka ruhtasupmi birra, de Holmberg oainnu mielde heive buorebut hállat ovttaidlogus, omd. Son árbii ádjástis olu ruđa.

Leikki ruđaid beavddi ala

Holmberg dadjá maid ahte máŋggaidlogu heive geavahit, go lea sáhka koŋkrehtalaččat šlánttiid ja báberruđaid birra, omd. Son leikii ruđaid beavddi ala. Go lea sáhka omd. juolludemiin duoppil dáppil, de veadjá leat lunddolaš hállat ruđaid birra (máŋggaidlogus).

Oanehaččat

  • Gomihan suohkana mearrádusaid

    Romssa Fylkkamánni lea gomihan vuodjinlobi man Leaŋgáviika dálvet juolludii golmmá jahkái Finnsnes dievdui. Dievdu lei ohcan lobi geasehit gálvvuid biilaluottas iežas bartii mii lea Várevuoljávri lahka Leaŋgaviika suohkanis. Lei Leaŋgaviika leansmánni guhte lei lokten sierravuodjinlobiid mearrádusaid Romssa Fylkkamánnái.

    Romssa fylkkamánni birasgáhttendirektevra ja doaibma fylkkamánni, Evy Jørgensen, muitala ahte sii leat gomihan mearrádusa danin go suohkan lea rihkon lága sierralobiid juolludeamis. 4 dain 7 sierralobiin maid leansmánni váiddi leat gomihuvvon, muitala Jørgsen.

  • Doarjja vuodjanoahpahussii

    Finnmárkku Fylkkamánni lea juolludan 97 500 ruvnno doarjaga vuodjanoahpahussii aitto Norgii boahtán minoritehtagielagiidda. Lea Álttá suohkan ja Álttá Helsebad ásahus mat leat ohcan doarjaga go áigot lágidit vuodjanoahpahusa 65 minoritehtagielat ohppiide Álttá suohkanis. Áigumuš lea ahte vuodjanoahpahus álggahuvvo 2016 čavčča ja loahpahuvvo 2017 geassemánus.

Laster Twitter-innhold