NRK Meny
Normal

Ásttoaiggi veahkeheaddji

Biertavárrilaš, Villy Ballovarre lea áŋgirit ásttoaiggis veahkehan iešguđet luonddubálga prošeavttaid. Dán ovddas oláhii ásttoaiggibálkášumi 2011s.

Villy Ballovarre har jobbet som frivillig siden 1997 da han måtte avslutte jobbkarrieren.

Villy Ballovarre lea áŋgirit bargan ásttoaiggedoaimmaid, eanaš hukset visttiid luonddubálgáide. Luonddunávddašeaddjit leat ilus go dákkár olbmot gávdnojit.

Villy Ballovarre lea olbmáinis, Rangvald Fjellstad:in Leaibenjárggas bajimuččas Gáivuonvákkis. Soai leaba málemin gapahuka. Dál besset luonddu návddašeaddjit bisanastit boradit dahje vuoinnastit dás.

Luonddu berošteaddji hálidii veahkehit gili go ii sáhttán šat dábálaš barggus leahkit

Ballovarre barggai ovdal Svalbarddas, muhto šattái heaitit 1997s, go dearvvašvuohta hedjonii. Ieš lohká ahte juoidá son fertii goit bargat, danne lea dan rájes leamaš mielde huksemin sihke olgo hivssegiid ja gapahukaid. Guokte hivssege ja golbma gapahuka goit lea ceggen, bálkkákeahtta lohká Ballovarre.

Málemin maŋŋemus málestaga

Maŋŋemus málestaga bidjamin gapahukai, ovdal lea gárvvis.

Foto: Klemet Anders Sara / NRK-Sápmi

Lášmohallit rámidit Ballovarre barggu

Borgny Elvenes

Lunddu vázzi, Borgny Elvenes lea ilus go gávdnojit dákkár olbmát go Villy, son lea viššal veahkehit olbmuid ásttoaiggis.

Foto: Klemet Anders Sara / NRK-Sápmi

Gerd Hansen ja Borgny Elvenes leaba vuolgán vázzinmátkkái, bisanasttiba vel Villy ja Rangvald luhte. De gal šaddá dieđosge ságastallan dán ođđa gapahuka birra, ja gáfestallan. Gerd ja Borgny rámposteaba dán ođđa gapahuka, man fiinnis šattái. Borgny mielas galggaše eanet dákkár olbmot geat ná barget ásttoaiggis.

Ásttoaiggibálkášumi 2011s

Gáivuona suohkan geige juohke jagi ásttoaiggibálkášumi muhttun searvái dahje eaŋkil olbmui. 2011s oažžui Villy Ballovarre dán bálkášumi, ja soaitá leat dát sivvá manne ain lea nu áŋgir veahkehit dákkár bargguin.

Gerd Hansen ja Borgny Elvenes leaba ovttaoaivilis ahte Villy duođái ánssašii ásttoaiggi bálkášumii 2011s.