Áibmoambulánsabálvalus dieđiha ahte girditeknihkkarat lea sajis girdišiljuin ja ahte ambulánsabálvalus lea gearggusvuođas miehtá beaivve. Girditeknihkkáriid konflikta sáhttá ain čuohcat girdimiidda go fertejit dárkkistit girdiid mat eai leat dárkkistuvvon bargoheaitaga áigge
Ráđđehus lea gáibidan bákkolaš soabadallama gaskkal NHO áibmojohtolaga ja Norgga girditeknihkkariidsearvvi, maŋŋá go dearvvašvuođabearráigeahčču dieđihii ahte girdibargoheaitta čuohcá dearvvašvuhtii. Norgga girditeknihkkáriid searvvis duođaštit ahte leat bargagoahtán, muhto dát ii mearkkaš ahte visot girdit girdigohtet vajot, go dál fertejit dárkkistit girdiid ovdalgo sáhttet daid fas váldit adnui.
Áššáskuhtti Deanu njihtanáššis Torbjørn Klundseter, ii leat gohččun vihttánii Deanu gielddas vihtanuššat odne dikkis, go áššáskuhtton albmá guovttos leaba goappašagat dovddastan iežaska áššálažžan áššis. Deanu gieldda ovddeš IT- jođiheaddji ja okta fitnodateaiggát Hamaris leaba áššáskuhtton roavva korrupšuvnna ja roavva ekonomalaš verrošeami ovddas. Go leaba ovcci jagi badjel njihtan Deanu gielddas 21 miljovnna ruvnno. Diggi mii bistá njeallje beaivve, álggii vuossárgga
