Ásahit sámi áhčiid searvvi

Sámi mánát, geaid eatnit eai leat sápmelaččat, masset dávjá sámivuođaset go váhnemat earránit. Dát fuolastuhttá sámi áhčiid, geain leat mánát rivguiguin ja geat leat massán ovddasmorraša. Dál leat sii ásaheamen searvvi nannen dihte sámi áhčiid vuoigatvuođaid. – Dát lea ášši man dál berre deattuhit eanet servodagas, lohká Mikkel Anders Eriksen, gii lea okta searvvi vuođđudeddjiin.